- 719 -

1447. Okt. 9.

Vnsern fruntlichen grus zuuor, Erbern, weisen, lieben frunde. Wir thun euch zu wissen, das wir vff ewer vorschreibunge vnde bete gesand haben zcu dem hern Weissen herczogen vnd em bittende mit fleisse geschreben, das die sache vff eyne gerawme czeit mochte gefristit vnd derlenget werden. Was vns denne von seinen gnaden vor antwort zcugeschreben wirt, wollen wir euch ane sewme widder entpüeten vnde vorschreiben. Geben am montage Dyonisii anno etc. XLVII°.
Ratmanne der stat Breslow.

Mit Rückaufschrift an den liegnitzer Rath.

Orig. Kgl. Bibl z. Berl Ms. Boruss. f. 568. No. 23.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866